Kwentin Tarantino özüniň ilkinji teatr oýnuny taýýarlaýar. Režissýor "köne britan farsy" žanryndaky sahna oýnunyň üstünde işleýär diýip, Variety neşiri habar berýär .
Ilkinji görkezilişini 2027-nji ýylda Londonda geçirmek meýilleşdirilýär. Häzirki wagtda ýordumynyň detallary gizlin saklanýar. Diňe Tarantinonyň baş keşplerde meşhur aktýorlary oýnatmakçy bolýandygy belli.
Režissýoryň soňky çeper filmi bolan "Bir gezek... Golliwudda" 2019-njy ýylda çykypdy. Onuň onunjy we soňky filminiň detallary heniz mälim edilmedi.
Şeýle hem, Tarantino bu filmiň dowamy bolan "Kliff Butuň başdan geçirmeleri" atly filmiň edebi esasyny ýazdy. Dewid Finçer taslamanyň režissýory boldy. Film üstümizdäki ýyl Netflix-de görkeziler.
Mundan hem başga, Tarantino ýakynda aktýorlyk işine gaýdyp geldi. Ol Saýmon Pegg bilen Şarlotta Gensburyň hem surata düşýän "Diňe, bizde bar zat" dramasynda peýda bolar.
