Universal studiýasy Bon Jovi rok-toparynyň taryhy barada film düşürmek hukugyny aldy. Bu barada Variety neşiri habar berýär.
Filmiň ssenarisini «Satoşini öldürmek» («Убить Сатоши») trilleri bilen tanalýan Kodi Brotter ýazar. Bu ekran eseri «Dileglerde ýaşaýarys» («Livin’ on a Prayer») we «Bu meniň durmuşym» («It’s My Life») ýaly dünýä belli hit-aýdymlaryň eýesi bolan toparyň ömür-döredijiligini öz içine alar. Wakalaryň anyk haýsy döwürleri öz içine aljakdygy häzirlikçe mälim edilmedi.
Taslamanyň prodýuserlik işlerini Religion of Sports kompaniýasyndan Kewin J. Uolş we Gotem Çopra amala aşyrarlar. Filmiň režissýory we aktýorlar düzümi entek tassyk edilenok.
Bon Jovi topary 1983-nji ýylda döredildi. Köp ýyllyk karýerasynyň dowamynda topar «Rok we roll şöhrat zalyna» hem-de «Aýdym ýazyjylaryň şöhrat zalyna» girmegi başardy.
