Malaýziýaly inžener Pratab Muniandi özüniň üýtgeşik ýylgyryşy we agzyndaky 42 sany dişi bilen Ginnesiň rekordlar kitabyna girmegi başardy. 33 ýaşly malaý ýigidiniň dişleri adaty adamlara mahsus bolan 32 dişden 10 sany köpdür. Şunlukda ol häzirki wagtda dünýäniň iň köp dişli erkek kişisi hasaplanylýar.
Nebit-gaz pudagynda işleýän Pratab özüniň bu aýratynlygyny 2021-nji ýylda, maşgalasy bilen çaý içip oturan wagty oýun edip, dişlerini sanaşanlarynda bilip galypdyr. Onuň dişleri ilki sanalanda 38 çykan bolsa-da, soň edilen rentgen barlagy indi döräp gelýän ýene 4 sany dişiň bardygyny görkezipdir.
Stomatologlar 2023-nji ýylyň başynda onuň jemi 42 dişiniň bardygyny resmi taýdan tassykladylar. Iň gyzykly tarapy bolsa, artykmaç dişleriň ählisi diýen ýaly, göni ösüpdir we Prataba hiç hili oňaýsyzlyk döretmeýär. Şeýle-de bolsa, ol dişlerini günde iki gezek ýuwup, olaryň arassaçylygyna örän uly üns berýär.
Zenanlaryň arasynda bu rekord 38 dişli hindistanly Kalpani Balana degişlidir.
