Animator Haýao Miýadzaki Aziýa ýurtlarynda Nobel baýragynyň taýy hasaplanýan Ramon Magsaýsaý baýragynyň eýesi boldy. Bu barada baýragy esaslandyryjy gazna salgylanyp, TASS habar berýär.
“Ýaş auditoriýa bolan hormatyny görkezmek bilen, Miýadzaki öz sýužetlerini we hekaýalaryny ýönekeýleşdirmeýär. Ol çylşyrymly temalary saýlap, daşky gurşawyň goragy, parahatçylyga ymtylyş ýa-da jemgyýetde zenanlaryň hukuklaryny we roluny goramak bolsun, olary çagalar üçin düşnükli etjek sungaty ulanýar” – diýip, gaznanyň beýanynda aýdylýar.
Miýadzaki köp sanly animasion kartinalaryň awtorydyr. Olardan “Goňşym Totoro” (Мой сосед Тоторо, 1988), “Şa gyzy Mononoke” (Принцесса Мононоке, 1997), “Ruhlar bilen äkidilen” (Унесенные призраками, 2001), “Ýöreýän gala” (Ходячий замок, 2004), “Balyk Ponýo gaýada” (Рыбка Поньо на утесе, 2008) we onuň soňky işi “Oglan we guş” (Мальчик и птица, 2023) baýragy döredijiler tarapyndan aýratyn bellenildi.
Miýadzakiden başga-da, bu baýragyň eýeleri Wýetnamdaky uruş döwründe amerikan goşuny tarapyndan zäherli himiki serişdeleriň ulanylmagynyň netijelerini öwrenen wýetnamly lukman Nguen Thi Ngok Fyong, Butandan haýyr-sahawat guramasyny esaslandyryjy, Indoneziýadan ekoaktiwist, şeýle-de Tailanddan Oba lukmanlarynyň hereketi boldy.
