“Ýewrowideniýe” aýdym-saz bäsleşigi 2025-nji ýylyň maý aýynda Bazel şäherinde geçiriler. Bu barada bäsleşigi geçirýän Ýewropa ýaýlym birleşiginiň (EBC) saýtynda ýerleşdirilen habarda aýdylýar.
“Bazel 2025-nji ýylda 69-njy “Ýewrowideniýe” aýdym-saz bäsleşiginiň geçiriljek ýeri hökmünde saýlandy” – diýlip, habarda görkezilýär. Bäsleşigiň ýarym finallary we finaly 2025-nji ýylyň 13, 15 we 17-nji maýynda St.Jacobshalle arenasynda geçiriler. Bäsleşige gatnaşyjy ýurtlaryň sanawy soň yglan ediler.
Öň, “Ýewrowideniýe” Şweýsariýada eýýäm geçirildi – 1956-njy ýyldaky ilkinji bäsleşik hut şu ýurtda geçirilip, onuň ýeňijisi şweýsariýaly aýdymçy Liz Assia boldy. Şol wagt bäsleşigiň geçiriljek ýeri hökmünde Lugano şäheri saýlanypdy.
1989-njy ýylda “Ýewrowideniýe” bir ýyl öň Şweýsariýa wekilçilik edýän Selin Dionyň bäsleşikde ýeňiji bolmagy netijesinde Lozannada geçirildi. Indi aýdym-saz bäsleşigi ilkinji gezek ýurduň nemes dilli böleginde geçer.
2024-nji ýylda “Ýewrowideniýe” 68-nji gezek geçirildi. Bäsleşigi Malmýo şäheri kabul etdi. Ýeňiji şweýsariýaly aýdymçy Nemo Mettler boldy.
