NASA-nyň täze hasabatyna görä, SLS raketasy üçin bahasy 2,7 milliard dollardan geçýän uçuş diňi gurlar. Bu dünýädäki iň beýik binanyň - Dubaýdaky Burj Halifa diňiniň gurluşygyna sarp edilen puldan hem iki esse köp diýip, Naked Science habar berýär.
Amerikan futbolynyň meýdançasyndan birneme beýik bolan bu diň SLS raketasynyň kämilleşdirilen görnüşini - Blok 1B-i goldamak üçin niýetlenendir.
Gurluşyk ilkibaşda 2027-nji ýylyň sentýabr aýynda tamamlanmalydy, ýöne täze hasabat çaklamanyň könelendigini görkezýär. ABŞ-nyň kongresi tarapyndan buýrulan diňiň gurluşygy potratçy Bechtel inženerçilik şereketi bilen baglanyşykly ýüze çykan kynçylyklar sebäpli yza süýşürildi.
NASA SLS-iň bu kämilleşdirilen görnüşini 2028-nji ýylda amala aşyryljak Artemis IV missiýasyndan başlap işe girizmegi meýilleşdirýär we ol pilotirlenýän Orion gämisini hem-de Gateway Aý stansiýasynyň elementini Aýyň orbitasyna çykarar. Şeýle-de bolsa, bu uçuş diňiň gurluşygynyň gijä galmagy sebäpli gijikdirilip bilner.
