Lozannanyň Federal politehniki mekdebiniň (Şweýsariýa) alymlary pikiri 91% takyklyk bilen tekste geçirip bilýän kiçijik çip döretmek arkaly neýrotehnologiýa pudagynda üstünlik gazandylar diýip, Hi-Tech habar berýär.
Kindiwanja beýni-kompýuter interfeýsiniň (MiBMI) bary-ýogy 8 mm² meýdany bar we implantirlenen elektrodlary ulanyp, çylşyrymly nerw signallaryny kodlamaga ukyply.
MiBMI adam tekst ýazmagy göz öňüne getirende, eliň hyýaldaky hereketleri bilen baglanyşykly nerw işjeňligini tutup bilýär. Soňra çip signallary dessine işleýär we olary sanly tekste öwürýär.
Barlagyň awtorlaryndan biri Mahsa Şoaran: "Bu üstünlik hereket ediş ulgamy agyr şikesli adamlaryň aragatnaşyk ukyplaryny ep-esli gowulandyrjak amaly, durmuşa geçirip boljak çözgütlere has ýakynlaşdyrýar" -diýdi.
Çip entek implantlanýan interfeýse birleşdirilmedik hem bolsa, öňki ýazgylardan alnan maglumatlar boýunça geçirilen synaglar onuň ýokary takyklygyny görkezdi.
Bu öwrülişikli çözgüt hereket ediş mümkinçiligi çäkli adamlaryň durmuşyny üýtgedip, olara pikirleri arkaly erkin aragatnaşyk saklamak ukybyny berer.
