Stenford uniwersitetiniň inženerleri öýleri ýangyndan goramak üçin täze gel ýasadylar

  • 29.08.2024 11:41
  • 7.6k+

Stenford uniwersitetiniň inženerleri agaç desgalaryny we binalary ýangyndan gorap biljek täze gel işläp düzdüler.

Bu material üstki gatlaga çalynýar we guranyndan soň, ýylylygy netijeli ýaýradýan we agajy goraýan çydamly gözenek köpügini emele getirýär diýip, Hi-Tech.Mail.ru habar berýär.
Bu geliň esasy düzüm bölegi, ony guranyndan soň, aerogele öwürýän we ýylylykdan goraýjy aýratynlyklaryny ýokarlandyrýan kremnezemdir.
Synag wagtynda gel 7 minutlap göni ýangyna garşy çydamak ukybyny görkezdi, bu bolsa bar bolan şuňa meňzeş jisimlerden 4 esse uzak çydamlylykdyr. Mundan başga-da, gel beýleki ýangyn söndüriji gellerden tapawutlylykda, guranyndan soň hem gorag aýratynlyklaryny saklaýar.
Täze gel ekologiýa taýdan arassa diýip hasaplanýar. Bu material binalary ýangyndan goramak, howpsuzlygy ýokarlandyrmak we ýangyn howpuny azaltmak üçin täze mümkinçilikleri açýar.


düýn 19:23
1.3k+

Alymlar ýaralary bitirmek üçin guşuň düwünçek dokumalaryny ulanmagy teklip edýärler

Demirgazyk-Kawkaz federal uniwersitetiniň alymlary ýara bitiriji dermanlary döretmek üçin guşuň düwünçek dokumalaryndan edilen peptidleri ulanmagy teklip etdiler. Işläp taýýarlama melhemleriň, gelleriň we suwuk plastyrlaryň bir toparynyň çykarylmagy bilen tamamlanar...

düýn 18:57
2k+

Mum güýeleriniň gurçuklarynyň plastigi iýip, ýag görnüşinde öz organizminde toplaýandyklary ýüze çykaryldy

Alymlar uly mum güýeleriniň (Galleria mellonella) gurçuklarynyň polietileni metabolik taýdan işläp (siňdirip), ony birnäçe günüň dowamynda öz bedeninde lipid (ýag) görnüşinde toplap bilýändiklerini ýüze çykardylar...

11.07.2025 11:17
3.6k+

Alymlar 200 mln ýyl ozal ýaşan pterozawryň täze görnüşini suratlandyrdylar

ABŞ-nyň Smitsonow institutynyň işgärleri Petrifaýd-Forest milli seýilgähinde (Arizona ştaty)  209 million ýyl mundan ozal ýaşap geçen pterozawrlaryň näbelli görnüşleriniň galyndylaryny tapdylar. Edaranyň metbugat gullugynyň habaryna görä, tapyndy giçki trias döwrüne degişlidir...

10.07.2025 11:41
2.8k+

Alymlar Ýerde Merkuriniň ilkinji bölekleriniň tapylandygyny habar berdiler

Afrikada tapylan iki meteorit Merkuriý planetasynyň ylma mälim bolan ilkinji bölekleri bolup çykdy. Bu barada Icarus ylmy žurnaly habar berýär. Eger ylmy çaklama tassyklansa, bu Ýerde Güne iň golaý planetanyň meteoritleriniň tapylmagyna degişli ilkinji ýagdaý bolar...