Garagalpaklaryň ak öýi Ginnesiň rekordlar kitabyna girizildi

  • 26.08.2024 23:34
  • 21k+

Özbegistanyň Nöküs şäherindäki “Ok Kuş” (“Ak guş”) toplumynda ýerleşýän garagalpaklaryň ak öýi Ginnesiň rekordlar kitabynyň şahadatnamasyny aldy. Ol dünýäde şuňa meňzeş sökülmeýän iň uly gurluş hökmünde ykrar edildi diýip, Gazeta.Uz habar berýär.

Ak öýüň diametri 40,5 metr, beýikligi 22 metre ýetýär.
Goýlan rekordyň şahadatnamasy Garagalpagystanyň Žokargy Kenesiniň başlygy Amanbaý Orynbaýewe gowşuryldy.
Ak öý Orol Agro kompaniýasy tarapyndan guruldy. Oňa ýüzlerçe adam sygýar. Ondan öň, 20-nji awgustda bu ýerde Özbegistanyň prezidenti Şawkat Mirziýoýewiň telekeçiler bilen her ýylky dialogy geçirildi. Geljekde bu ýerde dürli medeni çäreleri we forumlary geçirmek meýilleşdirilýär.
50 gektar meýdanda ýerleşýän “Ok Kuş” toplumynda ak öýleriň sergisiniň gurnalandygy bellendi. Garagalpaklaryň ak öýünden başga-da, bu ýerde türkmenleriň, gazaklaryň, gyrgyzlaryň we beýleki türki halklaryň ak öýleri hem görkezildi.


şu gün 19:41
1.5k+

Dünýäde iň kiçi aty Ginnesiň rekordlar kitabyna girizildi

Pumukel atly at dünýäniň iň kiçi aty hökmünde Ginnesiň rekordlar kitabyna girdi. Onuň geriş beýikligi bary-ýogy 52,6 santimetr. Pumukel Germaniýadaky bir fermada ýaşaýar. Onuň eýesi Karol Waýdmann atyny bäş ýyl mundan ozal, ol entek kiçijik taýçanakka özüne aldy...

düýn 09:15
5.4k+

95 ýaşly amerikaly dünýäde iň garry awtobus sürüjisi diýlip ykrar edildi

Tehasyň 95 ýaşly ýaşaýjysy dünýäde iň garry awtobus sürüjisi diýlip ykrar edildi. Onuň üstünligi Ginnesiň rekordlar kitabynda bellendi. Ol işlemegini dowam etdirýär we entek pensiýa çykmagy meýilleşdirmeýär diýip, The Guardian habar berýär...

28.11.2025 23:12
11k+

San-Diegoda iki jahan urşuny başdan geçiren 141 ýaşly pyşbaga Ene bilen hoşlaşyldy

San-Diego haýwanat bagynyň iň garry ýaşaýjysy, 141 ýaşly Ene (Gramma) atly galapagos pyşbagasy aradan çykdy. Haýwanat bagynyň işgärleri süňk keseli sebäpli ony uka gidirmeli boldy. CNN-iň habar bermegine görä, ewtanaziýa baradaky çözgüt jandaryň ýaş bilen bagly başdan geçirýän azaplary sebäpli kabul edildi...

26.11.2025 10:02
2.3k+

The Weeknd “After Hours Til Dawn” konsert syýahatyndan 1 mlrd dollardan gowrak gazanyp, rekord goýdy

The Weeknd rekord goýmagyny dowam etdirýär: onuň dünýä boýunça After Hours Til Dawn konsert syýahaty erkek solo aýdymçylarynyň arasynda taryhda iň girdejili syýahat boldy. 2022-nji ýylda başlany bäri konsert syýahaty Demirgazyk Amerikada (iki gezek), Ýewropada, Beýik Britaniýada, Latyn Amerikasynda we Awstraliýada geçdi...