Singapurda gymmat bahaly metallar üçin 500 tonna altyn we 10 000 tonna kümüş saklamaga niýetlenen täze uly ammar jaýy açyldy. The Reserve atly bu ýer meýdany 16 700 inedördül metr bolan alty gatly binany eýeleýär.
Silver Bullion Pte Ltd. kompaniýasy müşderiler tarapyndan islegiň örän ýokarydygyny, şol sebäpli giňelmegi meýilleşdirýändigini habar berýär. Altyna bolan islegiň ýokarlanmagy geosyýasy töwekgelçilikleriň artmagy we maýadarlaryň dollar, ýewro ýaly esasy global walýutalaryň durnuklylygy babatynda howatyrlanmagy bilen baglanyşyklydyr.
Ýakynda altynyň bahasy bir unsiýa üçin 2500 dollardan geçip, rekord derejä ýetdi. Kümşüň bahasy hem 20%-den gowrak ýokarlanyp, uly ösüşi görkezdi.
