Brand Finance 2024-nji ýylda alkogolsyz içgileriň bazarynda iň gymmat brendleriň reýtingini düzdi.
Sanawda öňdebaryjy orunlary Coca-Cola, Pepsi we Red Bull eýeleýär. Bir ýylyň içinde bu brendleriň bahasy ep-esli ýokarlandy: Coca-cola 33,5 mlrd dollardan 35 mlrd dollara çenli, Pepsi 18,3 mlrd dollardan 20 mlrd dollara çenli, Red Bull bolsa 7 mlrd dollardan 8,4 mlrd dollara çenli gymmatlady.
Bahasynyň 6,8 mlrd dollardan 7,4 mlrd dollara çenli ýokarlanandygyna garamazdan, Monster amerikan brendi dördünji orny Nongfu Spring hytaý brendine berdi, bu brend bahasyny 4 mlrd dollardan 8,3 mlrd dollara çenli ýokarlandyryp, dokuzynjy orundan dördünji orna çykmagy başardy. Şweýsariýanyň Nescafe brendi bahasynyň 6 mlrd dollardan 4,5 mlrd dollara çenli azalmagy sebäpli dokuzynjy orna düşdi.
Nespresso brendi bolsa bahasynyň 2,86 mlrd dollardan 2,6 mlrd dollara çenli azalandygyna garamazdan ilkinji onluga girip, Lipton-y gysyp çykardy. Altynjydan sekizinjä çenli orunlary sähel ösüşi görkezen Gatorade, Dr Pepper we Sprite brendleri saklady.
