Täze Lexus RX 2025 çykdy

  • 23.08.2024 16:01
  • 26k+

Lexus brendi ABŞ-da 2025 RX krossowerini hödürledi. Ýerli bazarda iň geçginli  model täze Black Line Special Edition daşky dizaýnyny, täze F Sport Design komplektasiýasyny we beýleki wersiýalary üçin kämilleşdirilen enjamlary aldy.

Black Line görnüşi, adyndan belli bolşy ýaly, gara öwüşginleri we 21 dýuýmlyk täze gara tigirleri bilen tapawutlanýar. Içi - çal kontrastly tikinli gara salonly. Black Line Special Edition-iň bary-ýogy 500 nusgasy öndüriler.
Mundan başga-da, Lexus RX 2025-iň diňe RX 350 we RX 350h üçin elýeterli we Premium komplektasiýasyna esaslanýan F Sport Design komplektasiýasy peýda boldy. F Sport Design bilen Premium-yň arasyndaky tapawut 21 dýuýmlyk gara tekerleriniň we gara agaçdan bezeg bölekleriniň bolmagyndan ybarat.

Krossower birnäçe elektrik gurluşy bilen enjamlaşdyrylandyr. Şeýlelik bilen, RX 350-niň kapotynyň aşagynda 279 at güýji bolan 2,4 litrlik turbo görnüşli hereketlendirijisi bar. Lexus RX 350h-iň 249 at güýjüni öndürýän gibrid ulgamy bar, RX 500h F Sport Performance Gibrid bolsa 371 at güýjüni öndürýär. Şeýle hem, geçirilýän gibrid güýç gurluşly RX 450h + hem bar: 308 at güýji, 2,5 litrlik hereketlendiriji we kuwwatlylygy 8.1 kWt bolan çekiji batareýa.
ABŞ-da  Lexus RX 2025 -iň satuwy şu ýylyň ahyrynda başlar, bahalar entek yglan edilmedi.


düýn 19:03
4.4k+

Audi we Volvo täze 2025-nji ýyl awtoulaglaryň hili boýunça düzülen reýtingde iň soňky orunlary eýelediler

J.D. Power amerikan kompaniýasy tarapyndan geçirilen 2025-nji ýylyň täze awtoulaglarynyň hil derejesi boýunça barlag dürli awtoulag brendleriniň ygtybarlylygynda uly tapawutlaryň bardygyny ýüze çykardy. Pikir soraşma 92 694 sany adam gatnaşyp, olar ulaglaryny satyn alan pursadyndan başlap, ilkinji 90 gününiň dowamyndaky ýagdaýyna baha berdiler...

02.07.2025 11:34
10k+

Lexus Hytaýda täze zawodynyň gurluşygyna başlady

Lexus kompaniýasy elektromobil önümçiligi boýunça Hytaýdaky ilkinji zawodynyň gurluşygyna başlady. Kärhana Şanhaý şäheriniň golaýynda ýerleşer we ilkinji awtoulaglar konweýerden 2027-nji ýylda çykyp başlar diýip, CarNewsChina neşiri habar berýär...

25.06.2025 10:15
8.4k+

Lexus Toyota Supra-nyň kaşaň görnüşini çykarar 

Toyota GR Supra sport kupesiniň täze neslini işläp taýýarlaýar. Ýapon metbugatynyň habaryna görä, bu modeliň Lexus brendi astynda analogy peýda bolar. Iki awtoulag hem umumy platformada gurlar we gibrid elektrik güýç gurluşyny alar...

24.05.2025 13:08
10k+

Ýewropada täze Lexus ES hödürlendi

Ýewropada sekizinji nesil Lexus ES ulagynyň premýerasy boldy. Täze wersiýa ozal Demirgazyk Amerikada hödürlenen modelden tapawutlanýar. Ýewropa bazary üçin niýetlenen model gibrid we doly elektrik görnüşlerde elýeterli bolar...