Disney kompaniýasy “Ýyldyz söweşleri” boýunça “Akolit” serialynyň ikinji möwsüminden ýüz öwürmek kararyna geldi. Bu barada Deadline habar berýär.
Neşiriň maglumatlaryna görä, serial tankytçylardan gowy seslenmeleri aldy, ýöne franşizanyň muşdaklarynyň arasynda dürli garaýyşlary döretdi, bu hem onuň umumy tomaşaçy auditoriýasyna täsir etdi.
“Akolitiň” premýerasy 4-nji iýunda boldy. Çykan ilkinji iki bölüm birinji gün 4,8 mln tomaşa ýygnady, bu hem Disney+-da şu ýylyň iň uly premýerasy boldy. Şeýle-de bolsa, ol reýtingi saklap bilmedi: onuň soňky bölümi iň pes tomaşa görkezijisini aldy.
Serialyň wakasy kinofranşizanyň “Gizlin howp” atly birinji bölümindäki wakalardan 100 ýyl öň bolup geçýär. Sýužetiň merkezinde – birnäçe jenaýatlary derňemäge başlap, howply söweşiji (“Aç oýunlardan” Amandla Stenberg) bilen gapma-garşylyga çykýan hormatly master-jedaý (“Kalmar oýnunyň” ýyldyzy Li Jonje) durýar.
