20-nji awgustda Demokratik partiýanyň wekilleri ABŞ-nyň wise-prezidenti Kamala Harrisi prezidentlige dalaşgär hökmünde tassykladylar. Ses berişlik partiýanyň Çikagoda geçirilen milli gurultaýynda boldy diýip, CNN habar berýär.
Harris gurultaýda Wiskonsin şäherinden wideo aragatnaşygy arkaly çykyş etdi.
Harris: “Siziň dalaşgäriňiz bolmak biziň üçin uly hormat. Bu kampaniýa halkyň güýjüne esaslanýar we biz bu ýoly bilelikde dowam ederis”.
Kamala Harris we onuň wise-prezidentlige saýlan dalaşgäri, Minnesota ştatynyň häkimi Tim Uolz, onlaýn ses berişlikde iň köp ses gazanyp, awgust aýynyň başynda Demokratik partiýanyň resmi dalaşgärleri boldular.
Ozal 21-nji iýulda, ABŞ-nyň häzirki prezidenti Jo Baýden täze möhlete dalaş etmekden ýüz öwrüp, Kamala Harrisi partiýanyň dalaşgäri hökmünde goldady.
