Adamzat müňlerçe ýyllaryň dowamynda beýik desgalary gurup gelýär (mysal üçin, Müsür piramidalary), ýöne adamlaryň işlemegi we ýaşamagy üçin döredilen ilkinji binalar diňe XIX asyryň ahyrynda Çikagoda, Nýu-Ýorkda we Bostonda peýda boldy. Häzirki wagtda polat karkasly beýik binalar dünýäniň iň gür ilatly şäherlerinde geň zat däl.
Beýik binalar we şäher ýaşaýyş gurşawy geňeşi beýikligi 150 metrden ýokary binalary köp bolan ýurtlaryň infografikasyny çap etdi.
Häzirki wagtda 3414 gökdirän binasy bolan Hytaý beýikligi 150 metrden geçýän binalarynyň sany boýunça öňdebaryjy bolmagynda galýar. Şol bir wagtyň özünde, Hytaýyň iň beýik binasy - Şanhaý diňi (beýikligi - 632 m) has beýik binalaryň dünýä reýtinginde diňe üçünji orny eýeleýär.
Gökdirän binalaryň sany boýunça ikinji ýeri 899 binasy bilen ABŞ eýeleýär.
Ilkinji üçlügi 336 gökdirän bina gurlan BAE-i tamamlaýar. Şolardan biri, Dubaýdaky aşa beýik gökdirän bina Burj-Halifadyr, ol ep-esli aratapawut bilen iň beýik desga adyny saklaýar. Binanyň beýikligi 828 metre ýetýär.
