Amerikaly bloger Jeýk Pol öňki absolýut dünýä çempiony Maýk Taýson bilen boks söweşi üçin, takmynan, $40 mln gazanjakdygyny aýtdy. Bu barada Britaniýanyň Express gazeti ýazýar.
Ilkibaşda 20-nji iýula meýilleşdirilen söweş Taýsonyň saglyk ýagdaýy sebäpli 15-nji noýabra süýşürildi.
“Men bu ýere $40 mln gazanmak we rowaýata öwrülen şahsyýeti nokaut ýagdaýyna düşürmek üçin geldim, başga zat meni gyzyklandyrmaýar” diýip, bloger aýtdy.
Taýson 58 ýaşynda, onuň hasabynda 50 ýeňiş bolup, şolaryň 44-üsinde nokaut arkaly ýeňiş gazandy. Amerikaly superagyr agramda absolýut dünýä çempiony, WBC, WBA we IBF guşaklarynyň eýesi boldy.
Pol 27 ýaşly bloger we aktýor bolup, professional ringde ilkinji gezek 2020-nji ýylyň ýanwar aýynda çykyş etdi. Onuň hasabynda 9 ýeňiş (6-sy nokaut bilen) we 1 ýeňliş bar.
