ABŞ-da alymlar garramagy haýalladyp biljek derman serişdesini işläp taýýarlaýarlar. Häzirki wagtda Telomir Pharmaceuticals bilen Kliwlend klinikasynyň ylmy gözlegçileri derman serişdesini itlerde synagdan geçirýärler diýip, ABC telekompaniýasyna salgylanyp, TASS habar berýär.
Bellenilişi ýaly, derman serişdesi eýýäm iki garry itde oňyn netijeleri görkezdi. Terminal tapgyrda rak keseli bolan nemes owçarkasynyň we artritli nýufaundlendiň ýagdaýy gysga möhletiň içinde ep-esli gowulaşdy.
Alymlaryň aýtmagyna görä, derman serişdesi organizme sütün öýjüklerini öndürmäge itergi berýär, bu hem ony “ýaşartmaga” mümkinçilik berýär. Häzirki wagtda synaglara 10 it gatnaşýar.
Ylmy gözlegiň netijeleri 2025-nji ýylyň başynda hödürlener. Eger olar üstünlikli bolsa, adamlarda kliniki synaglar eýýäm 2025-nji ýylda başlap biler.
