«Türkmenistanyň maýa goýum forumynyň» (TIF — 2024) geçiriljek senesi 2024-nji ýylyň 10-11-nji sentýabryna süýşürildi. Ilkibaşda forum 19-20-nji sentýabra meýilleşdirilýärdi, emma döwlet derejesindäki çäreleriň tertibindäki üýtgeşmeler sebäpli onuň senesi süýşürildi diýip, forumyň guramaçylyk komitetinde habar berdiler.
Aşgabatda geçiriljek forum Türkmenistanyň Maliýe we ykdysadyýet ministrliginiň hem-de Daşary işler ministrliginiň bilelikde guramagynda geçiriler we Türkmenistanyň döwlet edaralarynyň we esasy halkara maliýe institutlarynyň wekilleriniň, şeýle hem energetika, infrastruktura we maliýe ulgamyndaky bilermenleriň arasynda özara gatnaşyklar üçin ajaýyp mümkinçilik döreder.
9-njy sentýabrda foruma gatnaşmaga gelen myhmanlar üçin medeni maksatnama, şol sanda Aşgabada syýahat, Türkmen halysynyň milli muzeýine we "Gadymy Nusaý" taryhy-medeni goraghanasyna baryp görmeklik meýilleşdirilýär.
Forumyň täzelenen maksatnamasyny TIF 2024-iň resmi saýtynda ýerleşdirildi.
