Amerikaly we koreýaly alymlar ýaranyň bejergisini adaty usullardan 30% çaltlaşdyrýan elektrik bint döretdiler. WPED (Water-Powered Electronics-free Dressing) ady bilen tanalýan täze enjam suw bilen işjeňleşdirilýär we 7-9 sagatlap işläp bilýär diýip, New Atlas ýazýar.
Bint bir gezek ulanylýan plastyrlardan, inçe batareýadan we ýaranyň gyralaryna degip durýan iki elektroddan ybaratdyr. Enjam suw bilen işjeňleşdirilende, deri öýjükleriniň göçmegini çaltlaşdyrýan we ýokançlyk howpuny azaldýan magniý anody we kümüş-hlorid katody gowşak elektrik meýdanyny döredýärler.
Gündelik işlere päsgel bermezden, binti aňsatlyk bilen ulanyp bolýar. Onuň bahasy 1 dollar töweregi.
Syçanlaryň üstünde geçirilen laboratoriýa synaglary üstünlik görkezdiler, ýöne bu tehnologiýa kliniki synaglardan hem geçmelidir.
