Saud Arabystanyndan Ybragim Al-Naser 444 oýun konsolyny bir telewizora birikdirip täze dünýä rekordyny goýdy. Bu barada Ginnesiň rekordlar kitabynyň web sahypasynda habar berilýär.
Rekord eýesiniň kolleksiýasynda 1979-njy ýylyň Magnavox Odyssey-inden başlap, 2023-nji ýylyň PlayStation 5 Slim-ine çenli ýüzlerçe konsol bar. Olaryň arasynda meşhur Xbox 360 we Nintendo Switch, şeýle hem Super A'Can ýaly seýrek nusgalar hem bar.
Şeýle köp oýun konsollaryny telewiroza birikdirmek üçin Al-Naser köp sanly adapterleri we geçirijileri ulanmaly boldy. Ol Excel-de elektron tablisasyny döretdi we tutuş ulgamy oňa girizdi. Telewizoryň ekranynda gerekli konsolyň görkezilmegi üçin haýsy düwmä basylmalydygyny tablisadan bilip bolýar.
Konsollaryň sany, her gezek täzeden birikdirmek üçin gaty köp bolanda, Al-Nasere rekord goýmak pikiri geldi. Ol enjamlary yzygiderli çalşyp durmagyň ýerine, hemmesini bir ulgama birikdirip, Ginnesiň rekordlar kitabyna ýüz tutdy.
Netijede, Al-Naser ulgamynyň estetiki görnüşini saklamak bilen ähli simleri diýen ýaly gizläp bildi. Onuň iň halaýan konsoly, ähli döwürleriň iň gowy oýun konsoly bolan Sega Genesis-dir.
