15 – 16-njy awgustda Çolpon-Atada (Gyrgyzystanyň Yssyk-köl welaýaty) sambo boýunça Dünýä kubogy geçirildi. Ýaryşyň ikinji gününiň jemi boýunça sport we söweş sambosy boýunça 14 agram derejesinde ýeňijiler we baýrakly orunlaryň eýeleri kesgitlenildi.
Türkmenistanly topar ýaryşyň ikinji gününde bir altyn, iki kümüş we dört bürünç medal gazanyp, ýokary netijeleri görkezdi.
Iň ýokary netijäni Nyýazmyrat Babekow gazandy. Ol sport sambosynda 64 kg çenli agram derejesinde çempion boldy.
Ýaryşyň kümüş medallarynyň eýeleri Zarina Abdyrahmanowa (54 kg) we Ýusup Taňryberdiýew (58 kg) boldy, olar söweş sambosy boýunça ýaryşyň finalynda ýeňildiler.
Sport sambosynda bürünç medallary Babamyrat Baýramow (58 kg), Aziza Nazarowa (50 kg), söweş sambosynda bolsa Maksat Annagylyjow (88 kg) we Gülzada Jorakulyýewa (72 kg) aldy.
Dünýä kubogyna 14 ýurtdan 250-den gowrak türgen gatnaşdy.
Ýatlap geçsek, ýaryşyň birinji gününde Türkmenistanyň milli ýygyndysy dört bürünç medal gazandy.
