Kabulda Türkmenistanyň Owganystandaky ilçisi Hoja Öwezowyň gatnaşmagynda TAPI Pipeline Company konsorsiumynyň baş direktory Muhammetmyrat Amanowyň Owganystanyň daşary işler ministri Amir Han Muttaki bilen duşuşygy geçirildi. Duşuşygyň barşynda TOPH gaz geçirijisiniň taslamasyny Owganystanyň çäklerinde dowam etdirmek bilen baglanyşykly meseleler ara alnyp maslahatlaşyldy diýip, ORIENT Owganystanyň DIM-ine salgylanyp habar berýär.
Owgan ministri TOPH gaz geçirijisiniň Owganystandaky gurluşygynyň öz ýurduň esasy wezipeleriniň biridigini belläp, degişli owgan edaralarynyň bu taslama boýunça işlerini tamamlandygyny tassyklady. Muttaki TOPH gaz geçirijisiniň Owganystan böleginiň gurluşygynyň ýakyn wagtda başlamagyna umyt bildirýändigini belledi.
Türkmen tarapy hem öz gezeginde bu taslamanyň gurluşygyna ýakyn wagtda girişmäge taýýardyklaryny belledi.
