Ispaniýanyň milli ýygyndysy futbol boýunça Olimpiýa oýunlarynyň ýeňijisi boldy. Aýgytly oýunda ispaniýalylar Fransiýa toparyny 5:3 hasabynda utdular.
11-nji minutda Fransiýanyň milli ýygyndysynyň ýarym goragçysy Enso Miýo hasaby açdy. Ýedi minutdan soň ispaniýalylaryň ýarym goragçysy Fermin Lopes Martin hasaby deňledi. Ýene ýedi minutdan soň ol öz hasabyna ikinji goluny ýazdy. 28-nji minutda Ispaniýa toparynyň ýarym goragçysy Aleks Baena jerimeden takyk urgusy bilen toparyň artykmaçlygyny üç gola çenli artdyrdy. Oýnuň birinji ýarymy 3:1 hasaby bilen tamamlandy.
Oýnuň ikinji ýarymynda ýarym goragçy Magnes Akliuşe tapawudy azaltdy, 90+3-nji minutda bolsa fransiýalylaryň hüjümçisi Žan-Filipp Mateta penaltiden hasaby deňledi – 3:3.
Goşmaça wagtda, 100-nji minutda Ispaniýanyň milli ýygyndysynyň hüjümçisi Serhio Kamelo gol geçirdi. 120-nji minutda ol ikinji goluny hem geçirip, oýnuň gutarnykly hasabyny kesgitledi – 5:3.
Ispaniýa ikinji gezek Olimpiadanyň çempiony boldy, mundan öň ol 1992-nji ýylda Barselonada geçirilen Oýunlarda ýeňiş gazanypdy.
Erkekleriň arasynda geçenki iki Olimpiýa futbol ýaryşynda Braziliýa ýeňiş gazandy.
Ýatlap geçsek, bir gün öň Oýunlaryň bürünç medalyny Marokko aldy, ol üçünji ýer ugrundaky oýunda Müsüri 6:0 hasabynda utdy.
