Teslanyň Berlindäki Gigafactory zawody şu hepde sebitde ilkinji doly elektrikli Giga Train ýolagçy otlusyny ulanyşa girizdi. Täze ulag her gün zawodyň 4500 işgärini mugt daşar diýip, ITHome habar berýär.
Otly gigafabrika bilen Erkner bekediniň arasynda hereket edýär. Ol Berlinde we Brandenburgda ilkinji batareýaly elektrik otlusy boldy. Ulaga 500 ýolagçy ýerleşýär, her wagon 120 adama niýetlenendir.
Otlynyň işe girizilmegi birnäçe aý gijikdirildi, ilkibaşda ony aprel aýynda işe girizmek meýilleşdirilipdi.
Otlularyň ulanylyşyna jogap berýän Niederbanimer Railways kompaniýasy öz parkyny täzelemek baradaky meýilnamasyny yglan etdi. Kompaniýanyň dolandyryjy müdiri Sebastýan Ahtman ýylyň ahyryna çenli bar bolan dizel otlularynyň ornuna 31 sany akkumulýator batareýaly elektrik otlynyň we 7 sany wodorod otlusynyň işe giriziljekdigini habar berdi.
