Realme Hytaýda brendiň 6 ýyllygyna bagyşlanan çäräni anons etdi. Onda smartfonlar üçin täze iň kuwwatly zarýad beriş tehnologiýasy hödürlener diýip, Hi-Tech Mail habar berýär.
KHBS-iň maglumatlaryna görä, zarýad beriji gurluş 300 Wt-den gowrak kuwwata eýe bolup, smartfona 0-dan 50%-e çenli bary-ýogy 3 minutda zarýad bermäge mümkinçilik berer, 0-dan 100%-e çenli zarýad beriş bolsa 5 minutdan az wagt alar.
Häzirki wagtda rekord geçen ýyl realme GT5 bilen bilelikde 240 Wt kuwwatly zarýad berijini çykaran Realme-niň özüne degişlidir. Ahyrky synag tapgyrynda bolan täze işläp taýýarlama pudakda iň çalt çözgüt bolmaga wada berýär.
Täze zarýad berijini aljak ilkinji gurluşlar Snapdragon 8 Gen 4 prosessory bilen üpjün edilen realme GT 7 Pro smartfonlary bolar. Täze zarýad beriş tehnologiýasyndan başga-da, kompaniýa kuwwatlylyk, batareýa, zarýad blogunyň ölçegi we energiýa öwrülişiginiň netijeliligi bilen baglanyşykly üç innowasiýa hödürlär.
“Mundan başga-da, realme-niň smartfonlary ulanmak tejribesini täzeden kesgitlejek AI, öndürijilik we şekilleri gaýtadan işlemek ugrunda käbir öňdebaryjy işläp taýýarlamalary hödürlener” diýlip, kompaniýanyň metbugat gullugynyň habarynda aýdylýar.
