Bütindünýä saglygy goraýyş guramasy (BSGG) epidemiýa ýa-da pandemiýa sebäp bolup biljek patogenleriň täzelenen sanawyny hödürledi.
Sanawda denge wirusy, maýmyn mamasy we A gripiniň wirusynyň dürli serotipleri ýaly, 30-dan gowrak patogen bar. Bu resminama ünsi ýokarlandyrmak we alymlaryň tagallalaryny keselleriň giň ýaýramagynyň öňüni almaga jemlemek üçin döredildi.
BSGG 50 ýurtdan 200-den gowrak alymyň gatnaşmagynda geçirilen barlagyň netijesinde ilatyň saglygyna howp döredip biljek ilkinji nobatda üns berilmeli patogenleriň sanawyny düzdi. Sanawa girizilen wiruslar we bakteriýalar ýokary wirulentliligi (mikroorganizmiň kesel döredip bilmek ukyby), ýokançlylygy (keseli bir organizmden beýlekisine ýokaşdyrmak ähtimallygy) we olara garşy goragyň derejesiniň ýeterlik däldigi bilen häsiýetlenýär.
Waksinalary ýok patogenlere aýratyn üns berilýär. Olaryň arasynda mergi, gyrgyn keselini döredijiler we çybynlar arkaly ýokuşýan wiruslar bar. Sanawda soňky ýyllar ýaýramasy bellige alnan denge gyzzyrmasyny we maýmyn mamasyny oýaryjy wiruslar hem bar, olaryň soňky ýyllarda ýaýraýandygy bellige alyndy.
Bütindünýä saglygy goraýyş guramasy sanawyň neşir edilmegi bolup biläýjek howplara garşy göreşmekde we global kynçylyklara taýynlygy ýokarlandyrmakda kömek eder diýip umyt edýär.
