Türkmenistanyň içeri işler ministrligi Arkadag şäheriniň ýaşaýjylary üçin Ulag serişdeleriniň hökmany döwlet tehniki barlagyny geçirmegiň Tertibine we Ulag serişdelerini dolandyrmaga hukuk almak üçin hünär synaglaryny geçirmegiň Tertibine goşmaçalary girizdi. Bu barada degişli Buýruga içeri işler ministri M.Hydyrow 2024-nji ýylyň 26-njy iýulynda gol çekdi.
Kanunçylyk resminamasy Türkmenistanyň Adalat ministrligi tarapyndan 2024-nji ýylyň 3-nji awgustynda döwlet belligine alyndy.
Täze düzgünlere laýyklykda,
- Arkadag şäherinde hasaba alnan ulag serişdeleri Ahal welaýatynyň Polisiýa müdirliginiň Gökdepe etrabynyň Polisiýa bölüminiň polisiýanyň ýol gözegçiligi bölümçesiniň ulag serişdeleriniň tehniki ýagdaýyny anyklaýyş toparynyň binasynda Arkadag şäheriniň Polisiýa müdirliginiň Polisiýanyň ýol gözegçiligi bölüminiň awtoulaglaryň tehniki ýagdaýyny anyklaýan toparynyň işgärleri tarapyndan tehniki barlagdan geçirilýär;
- Arkadag şäherinde ýazga alnan ýa-da bolýan ýeri boýunça bellige alnan adamlary synagdan geçirmek Türkmenistanyň Içeri işler ministrliginiň Ahal welaýatynyň Polisiýa müdirliginiň Polisiýanyň ýol gözegçiligi bölüminiň Bеlligе аlyş we synаg birligi tаrаpyndаn amala aşyrylýar.
