Samsung kompaniýasy inçe, LPDDR5X ýat çiplerini öndürip başlandygyny mälim etdi. Çipleriň galyňlygy bary-ýogy 0,65 mm, bu bolsa adam dyrnagynyň galyňlygy bilen deňdir.
Täze çip 12 GB we 16 GB görnüşlerinde elýeterlidir.
Çipiň içinde dört gatly 12 nm klasynyň moduly bar. Samsung, bu çipleriň dünýädäki şeýle kuwwatlylygy bolan iň inçe çiplerdigini aýdýar. Kompaniýanyň inženerleri bu inçeligi PCB tehnologiýasy we epoksid şepbigi arkaly gazandylar. Mundan başga-da, täze tehnologiýa ýadyň ýylylyk garşylygyny 21,2% ýokarlandyrdy.
Kompaniýada aýdylmagyna görä, şeýle çiplere prosessor we enjam öndürijiler tarapyndan isleg bildiriler. Çip smartfonlaryň we beýleki enjamlaryň içinde goşmaça ýerleri boşatmaga kömek edip, howa çalşygyny gowulandyrar we temperaturany peselder. Bu bolsa has meşhur bolan neýroulgamlary ýaly ýokary öndürijilikli programmalar üçin has möhümdir.
Samsung geljekde has kuwwatly modullary çykarmagy meýilleşdirýär: alty gatly 24 GB we sekiz gatly 32 GB.
