6-njy awgustda Astanada Merkezi Aziýa döwletleriniň energetika ministrleriniň ilkinji duşuşygy geçirildi. Duşuşyk Gazagystanyň energetika ministri Almasadam Satkaliýewiň başlyklyk etmegine geçirildi diýip, Orda.kz habar berýär.
Duşuşyga Gyrgyzystan, Tajigistanyň, Özbegistanyň, Azerbaýjanyň energetika ministrlikleriniň ýolbaşçylary gatnaşdy. Türkmenistana Gazagystandaky ilçi Batyr Rejepow wekilçilik etdi.
Merkezi Aziýa döwletleriniň energetika ministrleriniň ilkinji duşuşygynyň jemleri boýunça bilelikdäki beýanata gol çekilip, onda döwletleriň arasynda ähli möhüm ugurlarda netijeli hyzmatdaşlygy mundan beýläk-de dowam etdirmegiň wajypdygy bellenildi.
Taraplar Merkezi Aziýa ýurtlarynyň arasynda energetika pudagynda hyzmatdaşlygyň giňeldilmegini goldaýarlar. Munuň özi nebit, gaz we nebit önümleri ýaly adaty energiýa çeşmeleri, şeýle hem gidroelektrik, Gün we ýel energiýasy ýaly gaýtadan dikeldilýän energiýa çeşmelerinde hyzmatdaşlygy giňeltmegi öz içine alýar.
Şeýle hem, meýilnama laýyklykda sebitde elektrik dolandyryşynyň hilini ýokarlandyrmak üçin “akylly” elektrik torlaryny we elektrik saklaýyş ulgamlaryny ornaşdyrmak boýunça işleri durmuşa geçirmek göz öňünde tutuldy.
Taraplar energetika pudagynda gepleşikleriniň dowam etdirilmegi üçin iş toparyny döretmek hem-de energetika ministrlikleriniň ýolbaşçylarynyň yzygiderli duşuşyklaryny guramak babatda ylalaşdylar.
