Britaniýanyň BAFTA kinoakademiýasy “iň gowy çagalar we maşgala kinosy” kategoriýasynda täze baýragyň girizilýändigini habar berdi. Bu baýrak dürli ýaşdaky tomaşaçylaryň gyzyklanmasyny döredýän islendik žanrly filmlere berler. Baýrak indiki ýyldan berlip başlanar diýip, Film.ru habar berýär.
Bu üýtgeşme 2020-nji ýyldan bäri BAFTA-da ilkinji möhüm täzelik boldy. Şol ýyl iň gowy kasting kategoriýasy girizilipdi. Mundan başga-da, akademiýa dalaşgärler üçin ses bermek prosesini-de üýtgetdi: indi režissýorlyk we aktýorlyk işleri kategoriýalarynda diňe bir eminler däl, eýsem Akademiýanyň tutuş düzümi ses berer.
BAFTA 2025 baýragy üçin dalaşgärler 15-nji ýanwarda yglan ediler, baýrak gowşurylyş dabarasy 16-njy fewralda geçiriler.
Geçen ýyl iň gowy film üçin baýragy Kristofer Nolanyň “Oppengeýmeri” aldy. Ol ýedi baýraga mynasyp boldy.
