Şwesiýaly şestli böküji Arman Dýuplantis Pariždäki Olimpiýa oýunlarynda altyn medal gazandy we täze dünýä rekordyny goýdy.
Ilki bilen türgen 6,10 metr beýiklikdäki plankadan geçip, Olimpiýa rekordyny täzeledi. Ol Rio-de-Žaneýrodaky Oýunlarda braziliýaly Tiago Bras tarapyndan goýlan üstünlikden öňe geçdi.
Dýuplantis munuň bilen çäklenmezlik kararyna geldi, ol üçünji synanyşykda 6,25 metr beýikligi geçip, 20-nji aprelde Hytaýyň Sýamyn şäherinde geçirilen Brilliant ligasynyň tapgyrynda goýan 6,24 metr netijesini täzeledi.
Şestli bökmekde kümüş medaly amerikaly Sem Kendriks aldy, ol 5,95 metr netijäni görkezdi. Bürünç medalyň eýesi 5,90 metr netije bilen gresiýaly Emmanuil Karalis boldy.
24 ýaşly Dýuplantis iki gezek Olimpiýa çempiony bolup, sportuň bu görnüşinde lider adyny tassyklady. Şeýle-de, ol ýapyk binada iki gezek dünýä çempiony we açyk howada iki gezek dünýä çempionydyr.
Pariždäki Olimpiýa oýunlary 26-njy iýuldan 11-nji awgust aralygynda geçirilýär.
