Her ýyl geçirilýän Ýewropada “Ýylyň awtoulagy” awtoulag ýaryşynyň guramaçylary, iki sany hytaý modelini hem öz içine almak bilen, 41 modelden ybarat dalaşgäriň sanawyny çap etdi. Bu täze awtoulaglar eýýäm satuwa çykaryldy ýa-da ýylyň ahyryna çenli Ýewropanyň azyndan bäş ýurdunyň bazaryna çykar diýip, auto.ru habar berýär.
Abraýly ady almak ugrunda aşakdaky ulaglar bäsleşer:
- Alfa Romeo Junior
- Audi Q6 e-tron
- BMW X2 / iX2
- BYD Seal U
- Citroen C3 / e-C3
- Citroen C3 Aircross
- Cupra Tavascan
- Cupra Terramar
- Dacia Duster
- Fiat Grande Panda
- Ford Explorer
- Ford Tourneo Courier
- Hyundai Inster
- Hyundai Santa Fe
- KGM Torres
- Kia EV3
- Lexus LBX
- Maserati GranTurismo
- Maserati Grecale
- Mazda CX-80
- MG Cyberster
- MINI Cooper SE
- MINI Countryman
- Opel Grandland
- Opel Frontera
- Polestar 3
- Polestar 4
- Porsche Macan
- Renault 5
- Renault Symbioz
- Renault Rafale
- Skoda Superb
- Skoda Kodiaq
- Smart #3
- Suzuki Swift
- Toyota Land Cruiser
- Volkswagen Passat
- Volkswagen Tiguan
- Volvo EX90
- Xpeng G6
Ýewropa markalaryndan başga-da, sanawda bir amerikan, üç koreý we dört ýapon markasynyň awtoulaglary bar. Formal taýdan iki hytaý öndürijisi - BYD we XPeng bar, ýöne Volvo, Polestar we Smart Hytaýyň Geely holdingi tarapyndan dolandyrylýar we MG iňlis markasy bolsa SAIC konsernine degişlidir.
Bäsleşigiň ýeňijisini 22 ýurda wekilçilik edýän 59 awtoulag žurnalistinden ybarat ýörite hünärli eminler saýlar. Gutarnykly uzyn sanaw 15-nji noýabrda düzüler. Bir hepdeden ses bermegiň birinji tapgyry geçiriler, şondan soň 25-nji noýabrda ýedi dalaşgäriň gysga sanawy çap ediler. Ýeňiji indiki ýylyň başynda, megerem, Brýusseldäki halkara awtoulag sergisinde yglan ediler, sebäbi däp boýunça baýragyň gowşurylyş dabarasynyň geçýän ýeri bolan Ženewa salony ýapyldy.
329 bal gazanan Renault Scenic E-Tech ykjam elektrik krossoweri Ýewropada 2024-nji ýylyň awtoulagy boldy. Ikinji we üçünji orunlary degişlilikde BMW-niň bäşinji seriýasy (308 bal) we Peugeot 3008 (197 bal) eýeledi.
