Aşgabatdaky Saparmyrat Türkmenbaşy adyndaky ýöriteleşdirilen mekdep-internatynyň dört sany okuwçysy 21-30-njy iýul aralygynda Er-Riýadda geçirilen 56-njy Halkara himiýa olimpiadasynda medallary gazanmagy başardylar diýip, "Türkmenistan: Altyn asyr" elektron neşiri habar berýär.
Kümüş medallary Aýgül Atajanowa (11-nji klas) we Rüstem Jumaýew (10-njy klas), bürünç medallary bolsa Jeren Akmyradowa (11-nji klas) we Diýar Döwletow (10-njy klas) eýeledi.
Mekdep okuwçylaryna Magtymguly adyndaky Türkmen döwlet uniwersitetiniň mugallymlary Nurjahan Mälikgulyýewa (fiziki himiýa kafedrasy) we Ýagmyr Tüýlekow (organiki däl we analitiki himiýa kafedrasy) ýoldaşlyk etdiler.
Olimpiada dünýäniň 90 döwletinden 333 sany mekdep okuwçysy gatnaşdy. Jemi 35 sany altyn, 70 sany kümüş we 110 sany bürünç medal ugrunda bäsleşildi.
