Saud Arabystany 2034-nji ýylyň futbol boýunça dünýä çempionatyna 15 stadion taýýarlamagy meýilleşdirýär. Ýaryşy bäş şäherde: Er-Riýad, Jidda, El-Hubar, Abha we Neom şäherlerinde geçirmek göz öňünde tutulýar diýip, Bloomberg habar berýär.
Käbir stadionlar täze gurlar, bar bolan stadionlar bolsa döwrebaplaşdyrylar we 40 000 orna çenli giňeldiler. Açylyş oýny we final 92 000 tomaşaçyny kabul edip biljek patyşa Salman adyndaky täze stadionda geçiriler.
“Stadionlar janköýerleriň rahatlygy üçin iň täze tehnologiýalar bilen üpjün ediler” diýip, Saud Arabystanynyň Futbol federasiýasynyň prezidenti Ýasser Al-Mishal aýtdy.
Häzirki wagtda Saud Arabystany 2034-nji ýyldaky dünýä çempionatyny geçirmek islegi bilen ýüz tutan ýeke-täk dalaşgärdir. 2026-njy ýylyň dünýä çempionaty ABŞ-da, Kanadada we Meksikada geçiriler. 2030-njy ýyldaky dünýä birinjiliginiň esasy ýer eýeleri Ispaniýa, Portugaliýa we Marokko bolar, ýaryşyň açylyş oýny Urugwaýda, indiki iki oýun Argentinada we Paragwaýda geçiriler.
2026-njy ýyldan başlap dünýä çempionatlaryna 48 topar gatnaşar.
