Germaniýada, Oberhauzendäki öňki gazgolderde dünýäde iň beýik proeksion displeýi oturdyldy. 40x20 metr L-şekilli ekran gazometrler muzeýiniň esasy ajaýyplygy bolup, “Umman planetasy” sergisi üçin ulanylýar.
Av Stumpfl-den Flex Contrast PRO-nyň ulanylmagy bilen aýratyn sargyt esasynda taýýarlanan displeý Ars Electronica Solutions tarapyndan taýýarlanan “Tolkun” (Die Welle) heýkeli üçin esas bolup hyzmat edýär. 40 metrlik “Tolkun” ýedi sany 30 000 lýumen lazer proýektory bilen yşyklandyrylyp, hakyky ululygynda kitleriň, balyklaryň we meduzalaryň fotorealistik wizual şekillerini görkezýär.
“Umman planetasy” sergisi ummanlaryň gözelligini görkezmek bilen, myhmanlara umman düýbündäki dünýä aralaşmak üçin ajaýyp mümkinçiligi hödürleýär.
“Biziň Ars Electronica Solutions we Tosca-dan kompozitor Rupert Huber bilen ýakyn hyzmatdaşlykda işläp taýýarlan tolkun heýkelimiz diňe şu ýerde, Gasometer-de mümkin bolan ummana çümmegiň düýbünden täze effektini üpjün edýär” – diýip, “Tolkunyň” kuratory Nils Sparwasser belleýär.
Gasometer Oberhausen-iň dolandyryjy müdiri Žanett Şmits “Siziň akulalar bilen aw awlamak ýa-da äpet kitlere asyl ululyklarynda syn etmek mümkinçiligiňiz başga nirede bolar?” diýmek bilen, Nilsiň sözüniň üstüni ýetirýär.
