Gruziýanyň Milli syýahatçylyk administrasiýasynyň maglumatlaryna görä, 2024-nji ýylyň ýanwar – iýun aýlarynda syýahatçylykdan gelen girdeji 1,9 mlrd dollar boldy, bu bolsa geçen ýylyň degişli döwri bilen deňeşdirilende 5,2% köpdür.
Bu görkeziji Gruziýa üçin rekord hasaplanýar. 2024-nji ýylyň ilkinji alty aýynda syýahatçylyk ýurda pandemiýadan öň 2019-njy ýylyň degişli döwründäkiden 30,4% köp girdeji getirdi.
Girdejiniň ýokarlanmagy ÝB-den we Beýik Britaniýadan gelýän syýahatçylaryň köpelmegi bilen baglanyşyklydyr. 2024-nji ýylyň birinji ýarymynda Gruziýanyň bu ýurtlaryň syýahatçylaryndan alan girdejisi 14% ýokarlanyp, 246 mln dollar boldy.
Şol bir wagtyň özünde, ýurtda Russiýadan syýahatçylyk akymynyň azalýandygy hasaba alynýar. 2024-nji ýylyň alty aýynda Gruziýada russiýaly syýahatçylaryň sany 8,7% azalyp, 527,5 müň sapar boldy. Muňa garamazdan, Russiýa Gruziýa iň köp syýahatçy iberýän ikinji ýurtdur, ol diňe Türkiýeden yza galýar, bu ýerden ýylyň birinji ýarymynda 623 müňden gowrak syýahatçy geldi.
