Şwesiýanyň Volvo awtoulag öndürijisi 2030-njy ýyla çenli elektrik ulaglaryna doly geçmek meýilnamalaryna täzeden seredip biler diýip, Autonews habar berýär.
Mundan ozal kompaniýa, gibridleri hem goşmak bilen, içinden ýandyrylýan hereketlendirijili (ICE) awtoulaglary öndürmekden ýüz öwürmegi meýilleşdirýärdi.
Şeýle-de bolsa, Volvo-nyň baş direktory Jim Rouen dünýäde elektrik ulaglaryna geçmegiň garaşylyşyndan has haýal gidýändigini we birgiden bazarda depginiň haýallaýandygyny aýtdy.
Rouen kompaniýanyň öz meýilnamalaryna nähili düzediş girizjekdigini takyk aýtmady, ýöne çeşmeler Volvo-nyň amerikan dilerleriniň käbiriniň 2030-njy ýyldan soň hem gibrid ulaglary ibermegini dowam etmegine garaşýandyklaryny aýdýarlar. Roueniň özi, “Volvo” -nyň gibrid tehnologiýa maýa goýmagyny dowam etdirjekdigini tassyklady.
Häzirki wagtda Volvo-nyň satuwynda elektrik ulaglarynyň paýy 26 göterim, bu az däl, ýöne 2030-njy ýyla çenli bazardaky elektrik ulaglarynyň paýynyň 100% bolmagyny gazanmak üçin wagt o diýen kän däl.
