Toyota şu ýyl 4,7 göterim pese gaçandygyna garamazdan, yzygider bäşinji ýyl dünýäde iň köp satylýan awtoulag bolmagynda galýar. Kyodo agentliginiň maglumatlaryna görä, Toyota 2024-nji ýylyň birinji ýarymynda, Daihatsu we Hino markalaryny goşmak bilen, beýleki awtoulag öndürijileriniň görkezijilerinden has köp - 5,16 million awtoulag satdy.
Deňeşdirmek üçin, ikinji orunda barýan Volkswagen 4,35 million awtoulag satdy, bu bolsa geçen ýylyň degişli döwri bilen deňeşdirilende 0,02 million az.
Toyota-yň umumy satuwy, 2023-nji ýylyň birinji ýarymy bilen deňeşdirilende, 4,7 göterim azalsa-da, kompaniýa bazarda öňdebaryjylygyny saklap gelýär. Satuwyň depgini sebitlere baglylykda üýtgeýär. Howpsuzlyk synag maglumatlarynyň galplaşdyrylmagy bilen bagly Daihatsu-nyň önümçiliginiň togtadylmagy sebäpli satuw Ýaponiýanyň içerki bazarynda 32% pese gaçdy we 823,595 awtoulag boldy. Şol bir wagtyň özünde, esasanam Demirgazyk Amerikada we Ýewropada islegiň ýokarlanandygy sebäpli, daşary ýurtlarda satuw 3,1% artyp, 4,34 million awtoulag boldy.
