30-njy iýulda Parižde geçirilýän 2024-nji ýylyň Olimpiýa oýunlarynda erkekleriň arasynda erkin usulda 800 metre we zenanlaryň arasynda arkanlygyna 100 metre ýüzüşde täze Olimpiýa rekordlary goýuldy.
Irlandiýaly Deniel Wiffen 800 metr aralyga ýüzmekde 7:38,19 wagty görkezip, ýeňiji boldy. Ol 2020-nji ýylda Tokioda geçirilen Oýunlarda ukrainaly Mihail Romançuk tarapyndan goýlan öňki Olimpiýa rekordyny (7:41,28) täzeledi.
Zenanlaryň arasynda 100 metre arkanlygyna ýüzüşde altyn medaly awstraliýaly Keýli Makkion aldy, ol 57,33 sekunt wagty görkezip, täze Olimpiýa rekordyny goýdy. Türgen ýüzüşde dünýäniň häzirki rekord eýesi amerikaly Regan Smitden (onuň netijesi - 57,66) öňe geçdi.
