Taýwanyň Taiwan Semiconductor Manufacturing Co. (TSMC) kompaniýasy - dünýäniň iň uly mikroshema öndürijisi 2024-nji ýylyň ikinji çärýeginiň maliýe netijelerini yglan etdi. Kompaniýanyň arassa satuwy 20,88 milliard dollar bolup, geçen ýyldakydan 40,1 göterim köp boldy.
TSMC bazar kapitaly 836,35 milliard dollar bolan kompaniýalaryň arasynda 9-njy orny eýeläýär. Bu kompaniýa ýakynda gysga wagtlyk 1 trillion dollar bellikden geçip, sanawda 8-nji orny eýeledi.
Girdejiniň ösüşi ösen çip tehnologiýalaryna bolan uly isleg bilen şertlenýär. TSMC müşderileriň barha artýan isleglerini kanagatlandyrmak üçin ösen tehnologiýalary ösdürmäge köp maýa goýýar.
Saldamly netijelere garamazdan, TSMC hyzmatlary üçin bahalary ýokarlandyrmagy meýilleşdirýär. Kompaniýanyň başlygy we baş direktory Si Si Weý elektrik energiýasynyň bahasynyň ýokarlanmagy, önümçiligiň giňelmegi we hümmetsizlenme sebäpli önümçilik çykdajylarynyň ýokarlanmagy kompaniýany nyrh syýasatyna täzeden garamaga mejbur edýändigini aýtdy.
2024-nji ýylyň üçünji çärýeginde TSMC 22,4 milliard dollardan 23,2 milliard dollara çenli girdeji gazanmagyna garaşýar, garaşylýan jemi girdeji 53,5 göterimden 55,5 göterime çenli, amal çäkleri bolsa 42,5 göterimden 44,5 göterime çenli bolmagyna garaşylýar. Geljekki önümlerde ulanmak üçin TSMC N2 we A16 proseslerine maýa goýsa, girdeji birneme azalar.
