Italiýadaky Appiý ýoly ÝUNESKO-nyň Bütindünýä mirasynyň sanawyna goşuldy

  • 29.07.2024 14:38
  • 2.1k+

ÝUNESKO-nyň Bütindünýä miras komitetiniň Nýu-Delide geçen sessiýasynda Italiýadaky Appiý ýoly Bütindünýä mirasynyň sanawyna goşuldy. Bu abraýly sanawa goşulan Italiýanyň çäginde ýerleşýän 60-njy obýektdir diýip, TASS habar berýär.

B.e.öň 312-nji ýylda Appiý Klawdiý Sekiň buýrugy bilen gurlan Appiý ýoly öz döwrüniň ösen inženerlik gurluşygy boldy. Ol Rime öz çägini giňeltmäge mümkinçilik berdi, soňra Rimi Gresiýa, Müsür we Kiçi Aziýa bilen birleşdirýän möhüm söwda ýoluna öwrüldi.
Appiý ýolunyň ugry Italiýanyň 70-den gowrak ilatly nokadyndan, 15 seýilgähinden, 12 şäherinden we dört sebitinden geçýär. Ýoluň ugrunda respublikan we imperatorlyk döwründen mazarlar we willalar, şeýle-de ilkinji iudeý we hristian ýerzeminleri saklanyp galan.
Bütindünýä mirasynyň sanawyna goşulan beýleki obýektler:

  • Malaýziýa: Milli Niah seýilgähiniň gowaklarynyň arheologiki mirasy
  • Germaniýa: Şwerin rezidensiýasynyň ansambly
  • Saud Arabystany: Al-Fau arheologiki zolagynyň medeni landşafty
  • Rumyniýa: “Rim imperiýasynyň serhetleri – Dakiýa” we Tyrgu-Žiu şäherindäki Brankuzi ýadygärlik toplumy
  • Russiýa: Arhangelsk sebitindäki “Goragly Kenozerýe” medeni landşafty

Umuman alanyňda, Nýu-Delidäki sessiýanyň dowamynda Bütindünýä mirasynyň sanawyna goşmak üçin 25 nominasiýa tassyklandy.


23.10.2025 11:51
3.9k+

Rimde Kapitoliý muzeýinde ilkinji gezek «Türkmenistanyň gadymy siwilizasiýalary» atly sergi geçiriler

2025-nji ýylyň 25-nji oktýabryndan 2026-njy ýylyň 12-nji apreli aralygynda Rim şäherindäki Kapitoliý muzeýiniň Palazzo dei Conservatori zallarynda «Türkmenistanyň gadymy siwilizasiýalary» atly sergi geçiriler. Italiýaly tomaşaçylara ilkinji gezek Margiana we Parfiýa gadymy medeniýetleriniň arheologik tapyndylary görkeziler...

23.10.2025 09:54
5.6k+

2026-njy ýylyň Olimpiýa oýunlarynyň açylyş dabarasy Jiorjio Armaniniň hormatyna bagyşlanar

2026-njy ýylyň gyşky Olimpiýa oýunlarynyň açylyş dabarasy italýan moda älemindäki meşhur dizaýner Jiorjio Armaniniň hormatyna bagyşlanar diýip, WWD neşiri habar berýär. Dabara 6-njy fewralda Milanda “San-Siro” stadionynda we şäheriň beýleki ýerlerinde geçiriler...

15.10.2025 15:25
4.8k+

Italiýanyň kenarlarynda çuň suwlardaky merjenleriň täze görnüşleri tapyldy

Alymlar Ortaýer deňzinde uly çuň umman rifini ýüze çykardylar. Bu açyş merjenleriň ekoulgamlarynyň ekologiki funksiýalaryny we umman çuňlugyndaky paýlanyşyny has gowy öwrenmäge kömek eder diýip, The Independent habar berýär...

27.09.2025 20:39
8.5k+

Türkmenistanly hünärmenler Italiýada energiýa seýilgähleriniň dörediliş tejribesini öwrendiler

22–24-nji sentýabr aralygynda türkmenistanly hünärmenler Italiýada bolup, tehnologik energiýa seýilgähleriniň dörediliş tejribesini öwrendiler. Sapar ÝHHG-niň Aşgabatdaky merkezi tarapyndan guraldy. Türkmenistanyň Döwlet energetika institutyň wekilleri Ýewropa Komissiýasynyň Bilelikdäki gözleg merkeziniň hem-de Milan Politehniki uniwersitetiniň alymlary bilen duşuşyklary geçirdiler...