Audi kompaniýasy 2024-nji model ýylynyň Q7 kysymly awtoulagynyň täzelenen görnüşini hödürledi diýip, ITHome habar berýär.
Awtoulag esasy komplektasiýasyndaky ýaly, has täsirli radiator gözenekli we matrisa LED faraly täzelenen dizaýny aldy. Iň ýokary wersiýalary sagatda 70 km-den ýokary tizlikde gidende 600 metre çenli yşyklandyryş diapazonly lazerli faralar Model hatarynda 5 orunlyk täze Black Warrior görnüşi peýda boldy. Q7 2024-iň içinde 12,3 dýuýmlyk sanly gurallar toplumy, 10,1 dýuýmlyk merkezi duýgur ekran we 8,6 dýuýmlyk howa gözegçiligi ekrany oturdyldy. Gymmat komplektasiýalarynda howa çalşygy opsiýalary we öňdäki oturgyçlaryň masažy deri bezeginiň üstüni ýetirdi.
Audi Q7 2024 iki hereketlendirijili görnüşde çykýar: 195 kW öndürýän 2,0 litrlik turbo görnüşli enjamly we 250 kW öndürýän 48 woltlyk ýumşak gibrid ulgamly 3,0 litrlik V6 hereketlendirijili. Iki görnüşi hem 8 tizlikli awtomatiki geçiriş we Quattro ähli tigirleri hereketli ulgam bilen enjamlaşdyrylandyr.
Awtoulag adaptasiýa howa podweskasy we ýedi sürüş tertibi bilen enjamlaşdyrylandyr. Howpsuzlyk ulgamlarynyň arasynda işjeň zolagy saklaýyş ulgamynyň, lidarly adaptasiýa kruiz-gözegçiliginiň we gijeki görüş ulgamynyň bardygyny bellemelidiris.
Hytaýda Audi Q7 2024-iň başlangyç bahasy 86 800 dollar.
