Wenesiýa kinofestiwalyny gurnaýjylar geljekki çäräniň gatnaşyjylaryny yglan etdiler. Esasy premýeralaryň biri Todd Fillipsiň soňky ýyllarda iň meşhur kinokomiksleriniň biriniň dowamy bolan “Joker: iki adamlyk telbelik” («Джокер: Безумие на двоих») filmi bolar.
Film esasy maksatnama girer we baş baýrak – “Altyn ýolbars” üçin bäsleşer. Bellemeli ýeri, 2019-njy ýylda hut ilkinji “Joker” ähli bäsdeşlerinden öňe geçip, bu heýkele mynasyp bolupdy. Bu gezek Todd Fillipsiň täze işi bilen birbada 20 film bäsleşer.
“Joker 2-niň” global premýerasy 2024-nji ýylyň 4-nji oktýabrynda bolar. Analitikler “Joker” filminiň dowamynyň üstünlikli boljakdygyna ynanýarlar – asyl film kinoteatrlarda 1 mlrd dollardan gowrak girdeji ýygnapdy.
81-nji Wenesiýa kinofestiwaly 28-nji awgustdan 7-nji sentýabr aralygynda geçiriler. Festiwaly Tim Býortonyň “Bitljus 2” filmi açar, onuň çäklerinde kinematografa goşan goşandy üçin beýlekiler bilen bir hatarda aktrisa Sigurni Wiwer (“Keseki”) we režissýor Piter Wir (“Trumanyň şouwy”) sylaglanar.
