Halkara alymlar topary günorta-gündogar Kanadanyň, Baffin adasynyň we Grenlandiýanyň günorta-günbatarynyň arasyndaky Dewis bogazynda mikrokontinent tapdylar.
Iňlis we şwesiýaly barlagçylar sebitiň tektoniki rekonstruksiýasyny döretmek üçin agyrlyk güýji we seýsmiki prosesler baradaky maglumatlary ulandylar. Netijede, Dewis bogazynda adaty bolmadyk galyň kontinental gabygyň hakykatdanam aýratyn mikrokontinentdigini, kontinentden bölünip aýrylan tektoniki blokdygyny anykladylar. Oňa "Dewis bogazynyň proto-mikrokontinenti" diýilýärdi.
Alymlaryň pikiriçe, tektoniki plitalaryň iki bölege bölünmegi, takmynan, 118 million ýyl ozal, 61,27 million ýyl ozal Labrador deňzinde kontinental bölünişik bolmanka başlandy. Grenlandiýa çaknyşyp, Demirgazyk Amerika plitasyna goşulýança materikler aýrylmagyny dowam etdirdi. Hut şol wagt täze mikrokontinent döräpdir.
Bu açyş plitalaryň tektonikasyna we Ýeriň ösüşine edýän täsirine düşünmek üçin möhüm ähmiýete eýe. Barlag geljekdäki tektoniki wakalary we olaryň getirip biljek netijelerini çaklamaga kömek edip biler.
