Microsoft CrowdStrike ýalňyşlygyny düzetmek üçin kompýuterleri 15 gezek öçürip ýakmagy maslahat berýär

  • 22.07.2024 13:29
  • 5.1k+

Windows-da bolup geçen uly hadysadan soň, Microsoft CrowdStrike hyzmaty bilen baglanyşykly kynçylyk çeken korporatiw müşderilerine kompýuterlerini öçürip ýakmagy maslahat berdi. Bu prosessiň 15 gezek gaýtalanmagy teklip edilýär diýip, Microsoft Azure hyzmat goldawynyň habaryna salgylanýan The Verge ýazýar.

Kompaniýanyň habarynda: “CrowdStrike Falcon agenti bilen Windows Client we Windows Server-iň dolandyrýan wirtual maşynlaryna täsir edýän mesele bize mälimdir".
Korporasiýanyň işgärleri: "Müşderilerden gelýän teswirlere görä, birnäçe gezek öçürip ýakmak zerur bolar, şeýle-de bolsa umumy seslenme bu çözgüdiň täsirlidigini görkezýär".
Bu usul täsir etmedik ýagdaýynda, kompaniýa CrowdStrike draýwerini bozmagy maslahat berýär.
CrowdStrike-yň baş direktory programma üpjünçiliginde näsazlygyň bardygyny boýun aldy we meseläniň düzedilendigini mälim etdi. Ol müşderilerden ötünç sorap, ulgamyň doly işlemegi üçin birnäçe wagt gerek bolup biljekdigini aýtdy.
Windows-da uly şowsuzlygyň anna güni agşam ýüze çykandygyny ýatladýarys. Şol sebäpli dünýäniň aragatnaşyk operatorlaryna, köpçülikleýin habar beriş serişdelerine, hassahanalara, banklara we awiakompaniýalara zeper ýetdi. Bu hadysa, Windows operasion ulgamy tarapyndan dolandyrylýan takmynan 8,5 million enjama täsir etdi.
Microsoft: “Programma üpjünçiliginiň täzelenmegi wagtal-wagtal ýalňyşlyklara sebäp bolup bilse-de, Crowdstrike ýalňyşlygy ýaly hadysalar seýrek bolýar. Hasaplamalara görä, bu hadysa Windows enjamlarynyň 1%-ine, ýagny 8,5 million enjama täsir etdi".


30.08.2025 18:10
864

Microsoft ilkinji hususy EA modellerini görkezdi: biri sözleýiş, beýlekisi tekst döredýär

Microsoft ilkinji gezek özüniň emeli aň modellerini hödürledi. Mundan öň kompaniýa, esasan, OpenAI-iň çözgütlerini ulanyp, olary Azure infrastrukturasyna we Copilot önümlerine goşýardy. Indi bolsa onuň öz ulgamlary – MAI-Voice-1 we MAI-1-preview bar...

20.08.2025 14:22
1.4k+

Windows 11-e işleýiş näsazlygyndan awtomatik gorag goşuldy

Microsoft korporasiýasy KB5063878 belgisi bilen Windows 11-iň hökmany täzelenmesini çykardy. Windows Latest-iň habar bermegine görä, onuň esasy täzeligi Windows işe girizilen wagty näsazlyk ýüze çykan halatynda ulgamy dikeltmek üçin niýetlenen Quick Machine Recovery funksiýasy boldy...

16.08.2025 13:25
1.5k+

Microsoft korporasiýasy Windows, Office we Edge-de 100-den gowrak gowşaklygy düzetdi

Microsoft “Patch Tuesday-iň” çäklerinde täzelenmeler bukjasyny çykaryp, Windows-da, Office-de, Edge brauzerinde we beýleki hyzmatlarda 107 gowşaklygy düzetdi. Kompaniýanyň maglumatlaryna görä, olaryň arasynda howplulary hem bar, ýöne hakerler tarapyndan hakyky hüjümlerde ulanylan ýagdaýlar hasaba alynmady diýip, PSWorld ýazýar...

10.08.2025 21:45
3.2k+

Microsoft syçanlaryň we klawiaturalaryň geçmişde galjakdygyny çaklaýar

Microsoft 2030-njy ýyla çenli adamlar kompýuterleri sesi, gözi we hatda pikirleri bilen dolandyrar diýip hasaplaýar. Windows operasion ulgamynyň geljegi baradaky garaýyşlaryny kompaniýanyň wise-prezidenti Dewid Ueston paýlaşdy...