Parižde geçiriljek 2024-nji ýylyň tomusky Olimpiýa oýunlaryna 8,8 milliondan gowrak petek satyldy. Bu barada Halkara Olimpiýa Komitetiniň (HOK) sport müdiri Kit Makkonnelle salgylanyp, RIA Nowosti habar berýär.
“8,8 milliondan gowrak petek satyldy – bu Fransiýada sport çäresi üçin geň galdyryjy mukdar, iň uly mukdar” – diýip, Makkonell žurnalistlere aýtdy. Satylan petekleriň sany Olimpiada üçin rekorddyr, öň üstünlik 1996-njy ýylda Atlantada geçirilen Oýunlara degişlidi – 8,3 million petek.
HOK-yň sport müdiri Oýunlarda howpsuzlygy üpjün etmek üçin “dürli gulluklaryň 30 müňe golaý işgäriniň gatnaşýandygyny” belledi.
Şeýle-de, HOK-yň Milli olimpiýa komitetleri (MOK) bilen aragatnaşyk departamentiniň müdiri Jeýms Makleod Olimpiýa obasynda 116 wekiliýetiň hasaba alnandygyny habar berdi.
Olimpiýa oýunlary 26-njy iýuldan 11-nji awgust aralygynda geçiriler.
