Patyşa Karl III Gernsi adasy bilen baglanyşygy boýunça tanalýan seýrek altynsow geçileriň tohumyna patyşalyk derejesini berdi. Olar indi Gernsiýiň altynsow patyşalyk geçileri diýlip atlandyrylar, bu at bütin dünýädäki şol tohumdan bolan geçilere degişli bolar diýip, AP habar berýär.
Tohuma wekilçilik etmek üçin saýlanan Sammerwil geçisiniň eýesi Temsin: “Bu tohumy hemmä tanadar diýip umyt edýärin” - diýdi.
Altynsow geçiler seýrek we ýitip barýan tohum hökmünde sanawa girizilendir. Olar dostana häsiýeti, diýenedijiligi we ýokary hilli süýt bilen tanalýarlar.
"Olar ot-iými saýlap iýýärler we olaryň otlaýan öri meýdany daşky gurşawa peýdaly bolup biler" – diýip, Rare Breeds Survival Trust guramasynyň ýerine ýetiriji direktory Kristofer Praýs belledi. - Biz öý haýwanlarynyň we atlaryň seýrek tohumlaryny goldaýandygy üçin Onuň Alyhezretine minnetdardyrys".
