«Головоломка 2» может обойти «Холодное сердце 2» и стать самым кассовым мультфильмом

Pixar studiýasynyň “Tapmaça 2” (“Головоломка 2”) multfilmi kassa ýygymynda haýran galdyryjy netijeleri görkezmegini dowam etdirýär. Aýyň jemi boýunça filmiň umumy girdejisi 1,362 milliard dollardan aşdy, bu bolsa Super Mario Brosdan öňe geçmäge we taryhda iň köp girdeji gazanan multfilmleriň sanawynda ikinji ýeri eýelemäge mümkinçilik berdi.

Geljek dynç güni “Tapmaça 2” multfilmi 1,451 milliard dollar netije bilen sanawda öňdeligi eýeleýän “Doňan ýürek 2-den” (“Холодное сердце 2”) öňe geçip biler. Multfilmiň ilkinji görkezilişi 14-nji iýunda boldy, sanly akymlarda ol güýzde peýda bolar.
“Tapmaçanyň” dowamyndaky sýužetde baş gahryman Raýli Andersonyň ýetişip - kemala gelmegi barada gürrüň berilýär. Raýli eýýäm tanyş duýgular bolan - şatlyk, gynanç, gorky, gahar we ýigrenç bilen birlikde, täze duýgular: alada, göriplik, içgysgynçlyk we çekinjeňlik bilen ýüzbe-ýüz bolýar.

Taryhda iň köp girdeji gazanan 5 multfilm:

1. “Doňan ýürek 2” - 1,451 milliard dollar
2. "Tapmaça 2" - 1,362 milliard dollar
3. “Doganlar Super Mario kinoda” - 1,361 milliard dollar
4. “Doňan ýürek” - 1,274 milliard dollar
5. "Supermaşgala 2" - 1,242 milliard dollar.