“Formula-1-iň” ýedi gezek çempiony, “Mersedesiň” sürüjisi Lýuis Hemilton “Dior” fransuz brendiniň ilçisi boldy diýip, WWD ýazýar.
Ol moda öýi bilen hyzmatdaşlykda öz ykjam egin-eşik, aýakgap we aksessuar kolleksiýasyny çykarar. Olaryň relizi 17-nji oktýabra meýilleşdirilýär.
Hemilton kolleksiýany döretmekde esasy ylhamyň soňky ýyllar baryp gören Afrika yklymy bolandygyny belledi. Egin-eşikleriň 80%-i ekologiýa taýdan arassa materiallardan taýýarlanar, kolleksiýanyň bir bölegi bolsa snoubordinge we dag lyža sportuna bagyşlanar.
Hemilton kolleksiýany döretmek üçin “Dioryň” erkekler hatarynyň döredijilik müdiri Kim Jons bilen bilelikde işleýär. Käbir matalar Afrika ýurtlarynda, aýratynam Burkina-Fasoda öndürildi.
Lýuis Hemilton özüniň moda bolan gyzyklanmasy bilen bellidir, ol ençeme gezek moda görkezişlerine-de gatnaşdy. Ol häzirki wagtda “Formula-1-iň” sürüjileriniň umumy sanawynda sekizinji orny eýeleýär, onuň hasabynda 110 utuk bar. Çempionatda birinji orny “Red Bulldan” Maks Werstappen eýeleýär (255 utuk).
