Louis Vuitton “Formula 1-iň” 75 ýyllygy mynasybetli ýaryşlaryň esasy kubogy üçin kaşaň çemodan ýasady. Bu üýtgeşik çemodan ýylyň ahyrynda kubok bilen birlikde möwsümiň ýeňijisine gowşurylar diýip, HypeBeast habar berýär.
Çemodanyň daşky bezegi fransuz modalar öýüniň tanalýan monogrammaly derisinden edildi.
Anýerdäki taryhy atelýeniň dizaýnerleri çemodana markanyň adyny we ýeňşi (Victory) alamatlandyrýan “V” harpyny goşdular. Bu ajaýyp dizaýn 1860-njy ýyllarda Louis Vuitton çemodanlarynda ulanylan latun burçlar we gulplar bilen tamamlanýar.
Çemodanyň içi kubogy zeperden ygtybarly gorajak ýumşak gara deri we mikrofibra bilen örtülendir. Louis Vuitton bilen “Formula 1-iň” arasyndaky hyzmatdaşlyk birnäçe ýyl bäri dowam edýär. Olar 2021-2024-nji ýyllar aralygynda sport kuboklar ýygyndysyny, şeýle hem egin-eşikleriň we aýakgaplaryň çäkli kolleksiýalaryny çykardylar.
